Frodes Sydpolblogg

Cape Town

2010-12-06T21:59:00.000-08:00

Etter ei lang reise fra Troll kom vi endelig til Cape Town. Det vart ein stor overgang frå minusgrader til plussgrader. Det var rart å få gå på gras, snuse inn lukter som vi ikkje har kjent på lenge, kjenne og lukte på tre, palmer osv. Så no skal vi kose oss her med diverse utflukter og varme kroppane våre før vi reiser heim att.
Dette blir siste innlegget mitt på denne bloggen, så eg vil takke alle som har følgt meg på denne reisa frå Norge og opphaldet mitt i Antarktis.

Siste tida på Troll

2010-11-28T11:15:00.000-08:00

Den 7 november kom sommerteamet frå NP til Troll og med dei så vart tilverelsen til oss seks overvintrerane snudd opp ned. No er det slutt på vanlige arbeidsdagar og fri kvar helg, no er det tolv timers dager og kun fri annan kvar søndag. Nokre dager etter at sommerteamet annkom, kom forskerane som skal fortsette Fimbulprosjektet som vart starta forrige år. Vi fekk eindel arbeid med å hjelpe dei slik at dei kom seg avgårde så fort som mulig, og den 21 reiste dei med to TL6 og fire scootere og mykje teknisk utstyr for div målinger av isens bevegelser og tjukkelse.Dei kan følgast på linken "ICE FIMBUL ICE SHELF" og på dagboka deira. Den 20 kom det nye overvintringsteamet som er våre avløysara, og etter at dei hadde fått våre gamle rom og inntallert seg har vi holdt på med overlapping. Vi har teke dei med på tur og vist dei forskjellige turmuligheiter i området, og det ser ut som dei fleste er glade i å gå på tur så dei vil nok få mange fine opplevelser i tida som kjem. For oss som no skal snart reise herifrå gjenstår det no kun ei veke igjen. Då blir første stopp Cape Town før kursen blir sett heimover etter nokre dagar der. Det blir nok vemodig å reise herifrå etter vel eit år med mange gode minner og ikkje minst har vi seks hatt eit veldig godt kameratskap som har blitt bedre ettersom tida har gått.

Første fly og folk

2010-11-06T12:19:00.000-07:00

I dag ettermiddag fekk vi dei første besøkende på over åtte månader. Det var flymannskap som skal flyge her i Antarktis no i sommer. Dei måtte lande på Troll fordi veret på Novo var for dårlig. Dei kjem heilt ifrå Canada, så dei har hatt ein lang tur. Einar, Ivar og eg tok imot dei på flyplassen og køyrde dei inn til stasjonen der dei fekk ein plass å bu for natta og etterpå vart det middag og kaffi med tilbehør. Vi hadde ein svært trivelig kveld i lag med dei.

Brøyting av flyplassen

2010-11-02T12:57:00.000-07:00

No er flyplassen rydda for snø, så no kan vi ta imot fly kva tid som helst. Flyplassen er 3 km lang og sjølve landingsbredda er 60 meter pluss 30 meter på kvar side, så det blir eit stort område som må ryddast. Og så er det slik her i Antarktis at det er ingenting av snøen som smelter slik som i Norge, så vi må sku snøen vekk på sidene for at det ikkje skal bli for høge kanter på sidene. Vi har vore uheldig med dårlig ver slik at flyplassen har foke igjen tre gonger, så no håper vi på fint ver. Det vart iallefall mykje ekstra arbeid. Men alle sammen har stått på og fått jobben gjort. Vi måtte vere ferdig først til 2 nov. men det vart endra til 4 nov. Då kjem første flyet eit Ilushin IL 76 til Antarktis for denne sesongen. Det har destinasjon Novo, men flyplassen her på Troll må kunne ta imot flyet som kjem om veret eller andre hendelser gjer at det ikkje kan lande på Novo.
Søndag 7 nov. kjem personell frå NP hit til Troll, så det blir årets happening. Skal bli godt å få treffe andre folk igjen og så kjem dei med frisk frukt og grønnsaker, nam nam!!

Einar 50 år

2010-10-30T04:28:00.000-07:00

Fredag vart Einar kokk 50 år og det måtte sjølvsagt feirast. Einar fekk fri frå kjøkkenet og Marius var kokk den dagen. Han laga fin lunch og middag og han baka kake som vi skulle ha seinare på kvelden. Før kaffien var det gåveoverlevering og Einar fekk litt av kvart både av vått og tørt og ikkje minst ny kokkedrakt, han fekk og ei stor sko skei som han skulle bruke når han vart 80. ( fritt etter Oddmund :-) ) Einar ville ikkje ha noka storstilt feiring og etter kaffi og kake reiste han vekk for helga. Vi andre fortsatte feiringa ute i stampen til langt på kveld.

Sykkel og fot tur til Grotfjellet

2010-10-16T06:29:00.000-07:00

I dag har Einar og eg vore på ein kombinert sykkel og fot tur til Grotfjellet. Vi sykla inn til Grotøyra og gjekk derifrå og opp på toppen. Det bles friskt då vi sykla innover, men då vi kom opp på toppen var det nesten vindstille. Einar hadde med seg ei turkasse som han skulle sette opp og eg var med som hjelpesmann. Vi fekk sett opp turkassa og laga ein skikkelig varde for å sikre kassa mot vinden, skreiv oss inn i loggboka tok oss litt varmt å drikke. Vi fann også levende organismer på nokre steiner på toppen (sjå bilde) og så må det nevnast at antarktispetrellen er komen tilbake på besøk til oss, så no er det ikkje berre vi seks som er her. No ventar vi på at snøpetrellen og skuaen skal kome tilbake og det skal bli fint. Då vi skulle gå ned att begynnte det imidlertid både å blåse og snø, men tempen var ikkje så verst så det gjekk greit. Då vi kom ned på isen igjen var fjellet innehylla i snødrev/skodde.

Tur med spark til Stabeisen

2010-10-09T07:00:00.000-07:00

I dag laurdag vart det sparktur til Stabeisen. Har tenkt å ta turen lenge, men venta på rette veret for å få ein fin tur. Så i dag var det rette forholda for ein tur med spark, lettskya og sol, vindstille og kaldt. Turen gjekk over all forventning, litt vanskelig eitt stykke før eg kom fram med veldig dårlig isoverflate. Så var det berre å klyve opp til varden og ta seg ein toddy før turen gjekk heimover igjen.

Sparktur

2010-10-02T06:32:00.000-07:00

I dag har eg vore på sparktur til flystripa og området rundt. Noke kaldt og ein liten trekk frå sør, men sol frå nesten skyfri himmel. Så i kveld før middag blir det restitusjon i stampen.
Forrige helg vart det tur inn i Vassdalen, heilt fremst fram i dalen og flott utsikt utover dalen og iskappa lenger ute.
Ellers har vi bygd trapp til nedbørsmålinga som vi utfører for meterologisk institutt, men som skjelden kjem nedbør i. Den blei høgtideleg åpna med snorklipping og sprudlevatn. Vi kan ikkje vere dårlegare her enn når dei døyper båter etc. heime i Norge. Det vart desverre ikkje gullhalsband eller andre gåver på oss, men vi tek det til etteretning.

Frukt

2010-09-18T07:00:00.000-07:00

No begynner vi å lengte etter frukt her på stasjonen, vi har ikkje smakt frukt sidan mai månad, så det hadde virkelig smakt med norske gravenstein eple no. Vil oppfordre alle som har planer om ein litt lengre ferietur f.eks til sør amerika eller sør afrika å få flykapteinen til å legge ruta om Antarktis og så kan de sleppe ei stor kasse med frukt og grønnsaker ned til oss i fallskjerm. På forhånd takk!!

sykkeltur til Klovningen

2010-09-11T06:00:00.000-07:00

I dag vart det sykkeltur til Klovningen, gjekk siste stykket opp på toppen. Ein fin laurdagstur, men det vart ein sur vind før eg nådde toppen og med eindel minusgrader i tillegg vart det kjølig for nasetippen. Sette meg i ly for vinden for å ta ein solbærtoddy, men den vart kald før eg fekk hive den i meg. Ei fin utsikt på toppen iallefall. Tilbake til stasjonen i sterk motvind, men det gjekk unna for eg visste at Marius skulle servere rakefisk og etterpå potetball som han he laga etter ei oppskrift han fekk med meg. Vi he det fint her altso :-) I kveld blir det kanskje eit bad i stampen i pluss 38' og 38 minus i lufta, "det e sånn som ungdomen lika"

Tor-tur

2010-08-30T12:39:00.000-07:00

Så vart det endelig tur til Tor. Det vart ein kombinasjon av test av ombygd TL6 og helgekosetur.
Har bygd om drivlinja samt forterka innfestinga til mellomgearkassa på to TL6 så det passa fint med ein lang tur for å sjå kor det fungerte.Tor er ein ubemanna stasjon for fugleobservasjoner som ligg ca. 100 km frå Troll i eit område som heiter Svarthammeren. Vi (Marius,Ivar Nils og eg) starta på fredag i tolvtida og var framme i kveldinga etter ein lang og humpete tur, spesielt dei to siste mila inn til Tor var eit mareritt å køyre. Det var bikkjekaldt då vi kom fram så vi fekk ikkje fyr på propanovnen for propanen var frosen. Det låg eit termometer ute og det stoppa på førti grader og kvikksølvet gjekk forbi det merket og stod nede i kula. Vi fekk no fyr i parafinovnen og så hadde vi med eit aggregat og ein vifteovn så det vart både straum og varme til slutt, så etter nokre timer kunne vi kle av oss ytterkleda. Marius diska opp med sjølvlaga kjøttkaker og til forret var det rakørret. ( det var berre so gødt at det!!) På laurdag var det strålande sol og vindstille, så då vart det ein fjelltur og etterpå rundtur i området. Det er ein spesiell plass å besøke med ein fin raudfarge på fjella og mange rare fjellformasjoner. Søndag skulle vi heim att og då bles det ein kald vind frå sør, men vi hadde no "Jack å gå inn i so det var berre lekkert. Heimturen gjekk strykande etter at eg hadde fått ordna med ein feil ved termostaten samt magnetventilen for oljekjøleren til gearet. Håper at det kan lage seg ein tur seinare når fuglane er komne attende.

Oppsett av turkasser

2010-08-15T05:53:00.000-07:00

No når det har blitt litt lysere og lengre dager, går det an å gå seg lengre turar. Einar har laga såkalla turkasser til eindel fjelltopper rundt omkring, for å legge boka som er på dei forskjellige toppane i. Så no har vi starta med å sette opp desse kassene. Her er nokre bilder frå turen til Trollveikja, som gjekk i liten kuling og snøfokk, men opp kom vi til slutt. Det er ganske fin utsikt når ein kjem opp på toppen og fer sjå utover isvidda.

Sola er tilbake

2010-07-31T07:09:00.000-07:00

Ja no laurdag kom sola tilbake til oss sørboera. Kl.12.20 såg vi den kome sigende over horisonten. Einar og eg var på sykkeltur til flyplassen og då vi var på veg inn att til stasjonen såg vi sola streve seg over kanten. Kjempefint og eit flott lys. Så på søndag blir det solfest med skikkelig feiring. Ellers så hadde Einar og eg ein super tur utover isen på sykkel, absolutt å anbefale og ikkje minst fin trim.

Leserbrev frå Troll i juli

2010-07-19T10:02:00.000-07:00

Har vore litt slapp å skrive ei stund no, men her kjem eit lite leserbrev frå meg. Denne månaden er det ikkje så mykje som har hendt, men litt har no skjedd. Vi har hatt det nokså kaldt ei stund og det gjekk ikkje likare enn at vatnet vårt fraus, og det skulle ikkje skje no, for i sommer så vart vassledninga skifta så no skulle alt vere i orden til vinteren. Den gong ei. Vi fekk no tina det til slutt så det gjekk greit det. Vi har også gjort reint smeltekaret, for det var så mykje rusk og rask i vatnet pluss at det vart ein rar smak på vatnet. Vi har hatt ein del dårlig ver i det siste med mykje vind og fokk, så det har ikkje vore så kjekt å vere ute, men vi har det fint inne og. No ser vi fram til at sola skal kome tilbake om ei fjorten dagers tid, kanskje vi får bedre ver også. Denne helga her vi laga film som skal vere med i ei slags konkuranse saman med eindel andre stasjoner her i Antarktis. Får kome tilbake med plasseringa seinare.

Midtvinter fest

2010-06-28T11:16:00.000-07:00

Ja, no har sola snudd og vi går mot lysere dager. Mandag 21 hadde vi fri for å feire midtvinter. På formiddag var Einar,Oddmund og eg ein tur opp på Trollhaugen og sette opp ei ny "postkasse" til turboka. Det var fint ver og vel 30 grader.(minus!) På ettermiddagen var det bading i stampen og så var det klart for smalahove med alt tilbehør. Det smaka berre heilt himmelsk. Etter det var vi utslegne heile gjengen ei god stund. Vi hadde ein alle tiders midtvinterfest, det er alle einige om.

Bilder i mørketid

2010-06-20T06:58:00.000-07:00

Det er no snart på det mørkaste, men det er eit fantastisk lys på himmelen i nord midt på dagen.Lyset gjennspeiler seg i fjella i sør slik at det lyser opp fjella, kjempefint.
Har brukt all fritid til å vere ute på turer og då har fotoapparatet vore med. Sjølv om det er kaldt går det greit for kameraet, berre det ikkje er ute i kulden for lenge. Om eit par dager er det midtvinter og det skal feirast. Kjem tilbake med rapport seinare.

Sykkeltur i mørketid

2010-06-06T03:23:00.000-07:00

No laurdag var Einar og eg på nok ein fin sykkeltur for å ta bilde og for å få oss ein trimtur. Vi sykla opp på isen og tok ein del bilde. Det var eit flott lys i nord sjølv om det er mørkt. Vi for heilt ut til flystripa og tok fleire bilder og sette oss ned for å få oss litt varm drikke. Då vi skulle heim att, så hadde sjølvsagt eg punktert på bakhjulet. Uten lappesaker var det lite eg kunne gjere, så det vart ein lang tur tilbake.

Kaffibesøk

2010-06-06T03:11:00.000-07:00

Av og til får eg besøk på verkstedet, og då krev dei som dukkar opp både kaffi og anna. Her set oss og prater og drikk kaffi og et eplekake som Einar hadde med seg. For øvrig veldig smakfull og god, laga på nokre av dei siste epla våre.

17.mai feiring

2010-05-18T11:00:00.000-07:00

Så kom 17.mai til Troll og vi her inn i dei tusen heimar gjennom nrk. Det var no fint å vere rikskjendisar for ein dag. Vi hadde ein super dag med god mat, tale for dagen stod Einar for (på fjernsyn) og god mat med godt drikke til. Flaggheising klokka 10 00 med Oddmund "storblåser" på euphonium mens vi andre song Ja vi elsker.
Alt i alt ein super dag.

Ein ny kokk på Troll ?

2010-05-18T10:48:00.000-07:00

Den veka vi har vakt må den som har vakt lage middag på laurdag og søndag, og nett her ein dag måtte Ivar Nils i elden. Alle ga seg ende over og beundra verket. Indrefilet og kjøttkake med godt tilbehør. Ivar Nils innrømme no at han tenkjer på å starte kinarestaurant på Vinstra når han kjem heim??!!

Redningsøvelse

2010-05-18T10:30:00.000-07:00

For å teste beredskapen og for å prøve kor det er å bere ein skadd person ned frå eit fjell eller oppe i ei steinur, hadde vi ein redningsøvelse for ei stund sidan.Den uheldige/heldige som var "skada" var Oddmund med lårhalsbrudd (grunna alder?) Øvinga gjekk heilt etter planen og Oddmund vart boren heilt ned på stasjonen.(uten å dette ut av båra) Vi lærte mange nyttige ting som er gode å ta med seg vidare.

Testkøyring av Øveråsen snøfres

2010-04-24T06:57:00.000-07:00

Så var tida komen for å teste ut den nye snøfresen som kom i sommer. Etter at eg hadde fått montert styrings systemet i lasteren og div utstyr på fresen gjekk turen ut til flystripa for prøvekøyring. Som de kan sjå av bilda er det ikkje berre dei som brøyter vegen opp til Dalsnibba i Geiranger som har skikkeleg utstyr vi har minst like bra saker. Fresen gjekk gjennom over ein og ein halv meter med steinhard snø uten store problem, heilt rått som dei seier.

Sykkeltur til flyplassen

2010-04-24T06:23:00.000-07:00

Etter å ha prøvd å fikse bremsene på den eine sykkelen måtte den prøvast. Og dermed gjekk turen ut til flyplassen. Bremsene virka ut døra, då var dei nesten like dårlige som før, fann ut at det måtte vere kulden som gjorde bremseklossane steinharde, dermed nesten bremselaus. Gav blaffen og trødde i vei ut til flyplassen i strålande sol og medvind. Det gjekk tråare inn att til stasjonen , motvind og bitande kaldt. Men alt i alt ein fin søndagstur.

Oddmund 50 år 03.04

2010-04-06T09:59:00.000-07:00

Laurdag den 3 april vart Oddmund vaksen kar d.v.s. 50 år ung.Etter gåve overekking og utpakking var det tid for middag, laga og servert av Einar.Vi fekk servert ein forrett( cryfish ) middag ( dåhjort ) og dessert og utpå kvelden kaffi og kake med godt tilbehør. Det vart også tid til dartspeling og etterpå gjekk drøsen ut i dei små timar. Jubilanten var godt fornøgd med dagen i følge han sjøl. Og det var vi andre også.

Marius kokk

2010-03-25T10:29:00.000-07:00

Ja no har vi igjen fått to kokker på Troll, Marius har teke på seg vervet som co kokk eit par dagar i veka. Dette for at Einar kokk skal få gjere andre ting ute. Vi reknar med at Marius skal i lønnsforhandlinger snart :-)
Marius har imponert oss alle frå første stund. Han laga kabaret og har baka både eplekake og ostekake som vi fekk servert til kveldskaffien. Ellers så vart det lammesteik ein dag og lutefisk ein annan dag, og alt smaka heilt himmelsk. Vi gler oss til fortsettelsen. Takk fyrir godur mig Marius. (det betyr "takk for god mat Marius")

Ein "dritjobb"

2010-03-21T07:20:00.000-07:00

Etter ein del utsettelser var Oddmund og eg klar til å gå laus i renseanlegget for å skifte ein sil og ein kost i ein tank. Det er ikkje akkurat draumejobben eller for å seie det på ein annan måte, det er ein skikkeleg mannskit jobb, men det må gjerast. Vi hadde ut tanken i februar, men då viste det seg at silen var opptært og måtte skiftast. Vi fekk ein ny sil med siste flyet slik at vi kunne få skifte den.Vi heldt på heile dagen og var ferdig til middag, men vi måtte skrubbe og vaske oss grundig før vi fekk kome inn til dei andre. (Oddmund tok seg ein tur i badstua i tillegg for å løyse opp lukt og skit :-) ?? )
Så no er det berre å skite så mykje vi vil.

Åleine i isødet

2010-02-28T05:39:00.001-08:00

No er det kun oss seks overvintrerane som er igjen på Troll og det er vel 8 månader til her kjem fly og folk igjen. Alle har sett fram til denne dagen, for no fer vi vanlege arbeidsdager og fri i helgane så sant ein av oss ikkje har stasjonsvakt.
Etter at sommerteamet hadde reist og vi kom inn att frå flyplassen, blei det ei hyggeleg tilstelling og litt feiring. Det vart song og musikk og stor stemning i stova til langt på natt. Søndag har vi fri og då blir det avslappingsdag for alle saman, før kvardagen begynner på mandag.

Sommerteamet reiser

2010-02-28T05:17:00.000-08:00

Så var tida komen då sommerteamet skulle reise heim att, kvelden den 27 feb. kom flyet og henta dei og vi seks som skal overvintre her blei aleine. Alle vart frakta med Trollbussen til flystripa og vi tok adjø med alle saman. Dei skulle reise med Bassler til Novo og vidare til Cape Town. Det er ei lang reise dit så dei er ikkje framme før morgonen den 28. Fer håpe dei fekk ein fin tur, kanskje dei fekk sove, dei fekk iallefall sovetabeletter med seg frå Marius, utgått på dato, pytt pytt. God tur heim att og så ser vi nokre av dåkke til neste sesong kanskje.

Britt reiser frå Troll 21.02. 2010

2010-02-22T11:34:00.000-08:00

Søndag den 21. feb. var dagen komen då Britt skulle reise frå Troll. Eg trur ho både gleda seg og grua seg for å reise herifrå, men ingenting varer evig veit du.
Ho reiste ut med karane frå Ksat og LNS gutane og vi var og tok farvel med alle saman.
Det var litt spesielt at Britt reiste, då ho hadde vore her i 15 mnd. i strekk. Ho var overvintrer frå nov.2008 og tok like godt ein sommersesong i tillegg, sprekt gjort. Ei kjempetriveleg dame og ein glimrande kokk og humørspreder. Vi kjem til å sakne ho, garantert!!
Go ferie Britt og vel heim att.

Flyaktivitet på Troll Airport jan.9 0g 15-2010

2010-01-18T14:02:00.000-08:00

Den 9 januar var det stor flyaktivitet på Troll Airport med landing av eitt Ilushin IL76, to Bassler DC3 og eitt helikopter. Nesten heile stasjonen var innvollvert i landingane. Vi hadde full beredskap med sanitet, brann/røykdykkar,(der eg var ein av det teamet) matservering, losseteam og Trollbussen stod klar til å frakte dei passasjerane som skulle inn inn til Troll stasjonen. Dei passasjerane som ikkje skulle til Troll, reiste vidare med Bassler og helikopter til andre stasjoner i området.Vi i brannteamet var også ansvarleg for å fylle drivstoff på Ilushin, det tok nesten 23000 liter fuel.
Den 15 januar kom Ilushin på besøk igjen og vi hadde same beredskap som første gong og vi måtte og denne gong fylle drivstoff (same kvantum som første gongen)Denne gongen fekk vi besøk av bla. anna ein i frå miljøverndepartementet og nokre av dei høge herrer frå polarinnstituttet i Tromsø som kom på ein snarvisitt. Dei reiste ut att den 18 saman med forskerane som hadde vore på ekspedisjon til Fimbulisen.

Tur til Volkonskoga Gora 07.01.2010

2010-01-09T14:27:00.000-08:00

Dagen etter at vi kom heim att fra shelfen var fridag for oss som hadde vore borte. Trond, Marius og eg bestemte at då skulle vi gå på fjelltur til Volkongskoga Gora. Ein tur på ca. to timer opp til toppen og minst like langt tilbake for det er ganske bratt og mykje stein og grus. Vi fekk ein flott tur, veret var på vår side og vi fekk ei fantastisk utsikt.
Då vi kom ned gjekk vi ned i noke som heiter Klonvning gryta, det er ei hole eller kanskje det er blitt slik det er grunna vind og snø som har lagt seg på ein forunderleg måte rundt foten av ein steil fjellvegg. Der var mange kadaver av snøpetrell og sørjoen for fram og tilbake på nye bytte.
Klovning gryta er ein plass alt som ikkje er sikre på Troll reiser når det er uver.Då må vi avstad og hente det opp igjen, det har ikkje skjedd enno, men det blir nok. Eg ser for meg at det blir litt av ein jobb.

Tur til shelfen

2010-01-09T14:00:00.001-08:00

Rett etter at vi hadde feira jul måtte vi reise til shelfen for å ta i mot båten som kjem med forsyninger og utstyr for det neste året. Det tok tre dager før vi kom fram og då var det berre å begynne å få varene av båten og opp på isen eit stykke frå iskanten. Vi var uheldige med veret då vi skulle reise tilbake og vi fekk sterk vind og snøføyke så vi såg ingenting. Vi køyrde på GPS så det gjekk greit. Vi reiste tilbake sammen ein gjeng norske forskera som hadde vore nede på Fimbulisen for å ta isprøver. Dei hadde bora seg gjennom isen heilt ned til sjøvatnet, 472 meter ned, ganske imponerende.Fimbulisen liknar ei elv som renn gjennom ein dal ned frå sydpolplatået og som flyttar seg fleire km på eitt år....
Vi hadde besøk av Adeliepingviner på losseplassen, dei er ganske så nysjerrige og vi kom nesten heilt inn på enkelte. Dei er veldig fine og heilt glatte i pelsen, nesten glinsande.
Ute på sjøisen ligg det wedellsel og keiserpingviner og koser seg, dei leer ikkje på eit auge for dei har ingen naturlege fiender.
Ellers var det mange store isfjell i nærheita av der vi var, eit såg ut som ein svær katedral eller kanskje det likna på ei gedigen hole.

Juletur til Buddamagen

2009-12-25T13:37:00.000-08:00

Første juledag var vi oppe kl.10 00 for å gå på fjelltur. Trond, Gudmund, Marius og eg skulle til eit fjell som heiter Buddamagen. Vi kjøyrte scooter i ca. 40 minutter og så tok vi beina fatt. Det var nokså bratt første timen, etterkvart vart det litt flatere, men det var drygt opp til toppen. Vi fekk ein uforgløymelig tur, med eit ver som sikkert er skjelden her på disse breddegrader, sol frå skyfri himmel med nokre minusgrader og omtrent vindstille. På tilbaketuren tok vi turen innom ein fjelltopp som stikk ut av isen og som heiter Stabeisen. Den ligg for seg sjølv ute på isen, så det er vel derfor den heiter Stabeisen.Vi kom heim att ca. kl. 1800, så det vart ein lang tur, men veldig fin.

Julekvelden på Troll

2009-12-25T13:22:00.000-08:00

Så kom jula til Troll også, ikkje så mykje julestemning her akkurat, men vi har prøvd å få litt julestemning her også. Britt har pynta og laga julekaker og til lunch fekk vi julegraut med mandel, men ingen fann mandelen, så den vart overflytta til riskremen på førstedag. Britt serverte svineribbe med alt slags tilbehør og det var virkelig godt tilogmed sprø svor. Etter utpakking av gåver, var det kaffi og kaker. Så var det tid for juleqviss, og det var til tider stort engasjement og litt høgrøsta blant deltakerane. Samveret varte til langt ut i dei små timane før alle gjekk til ro. Med andre ord ein fin julekveld.

Pepperkakebaking 22 desember

2009-12-25T12:30:00.000-08:00

Tirsdag den 22 etter arbeidstid var det tid for pepperkakebaking. Britt hadde laga gløgg med noke oppi og vi skulle gjette kor mange pepperkaker som låg att om morgenen. Ingen gjetta rett og dermed ingen premie, kva det no enn var??
Det var mange bakera og full innsats av alle, Roger laga borerigg og sekshjulingen sin som han farter rundt i, Marius laga pepperkakekåne og eit stort hjerte for å henge på treet. Ettterpå var det kaffi og prøvesmaking, kjempegode var dommen.

Bading i Stampen

2009-12-20T14:51:00.000-08:00

Laurdag 20 des. var det tid for bading i Stampen ut på kvelden i fin midnattsol og varmt og godt i vatnet.
Det kjem nok til å bli meir bading når det blir kaldere ute.

Snøpetrell overvåking

2009-12-20T14:35:00.000-08:00

Tore og eg har fått ein ekstra jobb og den går ut på å telle antall snøpetreller og kyllinger i tidsrommet midt av desember 2009 til begynnelsen av mars 2010. Den 15 des. var første telling og vi såg mange fugler både på Nonshøgda og Trollhaugen. Dette er ein veldig fin jobb, med mykje frisk luft og fin mosjon og så får vi betalt for det i tilegg. Snøpetrellen er veldig tillitsfull slik at vi kan kome heilt inntil dei når dei ligg på reira uten at dei flyg vekk. Dessutan er den ein flott fugl å sjå på, kvit og fin med eit svart nebb som er litt krumma heilt framme. Når dei ligg på reira og dei synest vi kjem for nær gir dei frå seg eit veldig skarpt varselskrik som kan skreme dei fleste. Ellers likner lyden frå dei på rypesteggen.

Fem toppers tur

2009-12-06T12:34:00.000-08:00

I dag på søndag var Oddmund, Marius og eg på fem toppers turen. Det er Trollhaugen, Grjotlifjellet, Klovningen, Nonshøgda og Sofietoppen. Vi starta i tolv tida og var heime ca. halv sju. Ein fin tur, men det begynte å blåse eindel på slutten av turen.Turen skal utførast uten hjelp frå andre og vi må ha med oss det som vi treng, slik som klede, mat og drikke.
Då vi kom tilbake til Troll sto Britt og ønska oss velkomen tilbake og ho hadde ferdig middag og kaffi og kaker til alle sammen, snakk om service!!

Det gamle overvintringsteam reiser heim 02.12.09

2009-12-05T23:56:00.000-08:00

Den andre desember reiste dei gamle overvintrerane heim att minus kokken Britt som skal vere her til ca.25 februar då sommersesongen er over. Vi kjøyrde dei på flyplassen i Trollbussen og tok avskjed med dei der.

Første tida på Troll

2009-11-29T01:49:00.000-08:00

No har eg vore her ei tid og gått igjennom rutiner og alt som er av utstyr sammen med Jan som har vore her vel eit år. Jan og dei andre som han har overvintra sammen med skal snart reise, og på laurdag den 28.09 var det avskjedsmiddag for dei. Stasjonen vart så offisielt overført til det nye teamet med protokollføring og nøkkel overrekking. Jan og Gudmund fylte også år i veka som gjekk og Britt og Einar hadde baka kake slik at det også vart markert. Etter middag og kaffi og kake vart det tur i stampen i fin sol og nokre minusgrader.

Turen frå Norge til Trollstasjonen i Antarktis

2009-11-23T14:27:00.000-08:00

No er eg endeleg komen fram til Trollstasjonen i Antarktis etter ei lang reise og plassen som blir heimen min det neste året. Det følest litt uvirkeleg og opplevast som eit eventyr. Eg må seie at eg føler meg heldig som fer oppleve dette. Turen starta frå flyplassen på Vigra og gjekk til Gardermoen, vidare til Frankfurt og derifrå til Cape Town. Der var vi ein og ein halv dag før vi flaug vidare til ein russisk stasjon i nord antarktis som heiter Novozalarovskaya. Vi tok eit russisk fly av typen Ilyushin 76 som er eit kombinert transportfly og passasjerfly. Vi var tre timer på den russiske basen før vi reiste vidare med eit Twin Otter fly til Troll stasjonen.På flyplassen ved Troll vart vi møtt av det gammle overvintringsteamet og ønska velkommen til Troll.Vi vart godt mottekne på Troll , og på kvelden var det fest middag med godt drikke til.
Ellers er her to dyktige kokker som lager veldig god mat til alle sammen. Dei har mykje å gjere for om sommeren er her mykje folk og 12 timers dag med fri kun ein dag på 14 dager. Det er mykje å setje seg inn i, men det går vel berre eg fer litt tid på meg.
Bilda viser: 1 turen til Cape Town,2 Ilyushin 76 på NOVO, 3 stabben som er eit fjell ved flyplassen ved Troll, 4 Eg og Twin Otteren på flyplassen ved Troll. (endeleg framkomen)

Feltkurs i Tromsø og på Svalbard

2009-10-06T12:55:00.000-07:00

21 til 29 sept. var det feltkurs på Svalbard, og alle som skulle overvintre møttes for første gang. Det vart mykje ny informasjon på kort tid, men eg trur vi fekk med oss det meste. Det vart også instruksjon med vekt på faren ved bresprekker og ferdsel på breer generelt. Bra opplegg og eit godt kurs. Ellers var det kjekt å møte dei andre som eg skal vere saman med vel eit år i Antarktis, det virka som vi passa ganske godt saman.
Bildet av overvintringsteamet viser frå venstre : Einar,kokk, Oddmund,driftstekniker, Frode, mekaniker, Tore,forskningsteknikker, Marius,lege, Ivar,elektriker.

2009-09-12T02:00:00.000-07:00

I veke 37 var Bertrand, Svein,Rune og eg på Lillehammer vedr. kurs på Prinoth trakkemaskin (Owren ) og senare i veka var vi i Gjøvik på kurs vedr. Øveråsen snøfres UTV 430.
Bilde fra Gjøvik med Instruktør Roar Slottnes, Svein, Bertrand og Rune.